Lungisani Dube

Nedzi 14 Ndlana Radio Bukalanga yakabe yanokumba kuGwambe, kwakabe kunanzano we Gwambe Arts and Culture Club wakananga milidza milenje nemabvilo. Kwakabe kunanyambi dzenhetembo, dzemizano inonga whosana, maskandi, rhumba neyimwe yakajalo. Mhihha nenyambi dzemihingo yemaboko inonga behha nebanoluka macansi dzakabe dzilakidzabo mihing yadzo.

Bunga leli le Gwambe Arts and Culture club ilo lakabambiwa mumwedzi wa Mikono mugole 2024 na Mme Zanele Khumalo ,Mme Sithembile Sqhoza na Tate Isherman Dile bose belibazwagwa bentunhu we Gwambe. Tjakabasunda kwazo kuti batangise n’hingo iwhou whuti milenje nemipanga yedu inonda ipela, bana bedu abatjaziba kuti ntolo kwagala kwakekumbagwa tjini.

Ndizo ke tjinangwa ndetjekuti bazibe kwabanobva. Gubungano leli lakalingilila kuti kubenemihingo yebana yemaboko inonga pfuma, behha neluka, batungamili bakagadzabgwe kuti koobakiwa n’umba inobe ibigiwa zwabehhiwa kene zwapfumiwa kakale kutengesegwapo.

Ayimilidzeni milenje yedu muBukalanga!